واضح رہے کہ مسبوق کو اگر یاد ہو کہ اس کے ذمے کچھ رکعات باقی ہیں،اس کے باوجود وہ سجدہ سہو سے پہلےوالے سلام پر امام کے ساتھ سلام پھیردے تو اس  کی نماز فاسد ہوجائے گی ،نئے سرے سے نماز ادا کرنا لازم ہوگا۔لیکن اگر اس نے بھولے سے امام کے ساتھ سلام پھیردیا تو نماز فاسد نہیں ہوگی،اور نہ ہی اس سلام کی وجہ سے سجدہ سہو لازم ہوگا۔کیونکہ مسبوق سجدہ سہو کے سلام کے وقت مقتدی ہے اور مقتدی کے سہو کی وجہ سے سجدہ سہو واجب نہیں ہوگا،البتہ اپنی بقیہ نماز پوری کرتے ہوئے کوئی سہو ہوجائے تو سجدہ سہو واجب ہوگا۔

(قوله والمسبوق يسجد مع إمامه) قيد بالسجود لأنه لا يتابعه في السلام، بل يسجد معه ويتشهد فإذا سلم الإمام قام إلى القضاء، فإن سلم فإن كان عامدا فسدت وإلا لا، ولا سجود عليه إن سلم سهوا قبل الإمام أو معه؛ وإن سلم بعده لزمه۔(رد المحتار،باب سجود السهو،ج:2،ص:82)