شریعت مطہرہ میں رشوت لینا اور دینا دونوں حرام ہے ، اس لئے اگر کوئی غیر اہل شخص کسی نوکری کے حصول کے لیے  کسی کو کچھ مال یا مطلوبہ چیز دیتا ہے ، اور اس مال کے ذریعے دوسروں کی حق تلفی کر تا ہے تو یہ رشوت ہے اور اس کا دینےاور لینے والا دونوں گناہ گار ہوں گے ، البتہ جہاں  کہیں  کسی مستحق کو  اس کا  حق بغیر رشوت دینے نہ ملتا ہو تو اس کے لیے اپنے حق  کی خاطر رشوت دینے کی گنجائش ہے،لیکن رشوت لینے والے کے لیےبہر صورت رشوت لینا حرام ہے۔

                  صورت مسؤلہ میں  مذکورہ شخص کا سرکاری نوکری حاصل کرنے کے لیے میرٹ لسٹ میں نام آنے کے بعدصرف انٹرویو دینے سے اس  عہدے کا حقدار یقینی طور پر نہیں بنتا ۔ اس لیے رشوت دینا بہرحال ناجائز ہےاور رشوت دینے سے گنہگار بھی ہوگا۔

ومنها إذا دفع الرشوة خوفا على نفسه أو ماله فهو حرام على الآخذ غير حرام على الدافع، وكذا إذا طمع في ماله فرشاه ببعض المال ومنها إذا دفع الرشوة ليسوي أمره عند السلطان حل له الدفع ولا يحل للآخذ أن يأخذ۔(البحرالرائق، أخذ القضاء بالرشوة،ج:6،ص:285)

دفع المال للسلطان الجائر لدفع الظلم عن نفسه وماله ولاستخراج حق له ليس برشوة يعني في حق الدافع ۔(رد المحتار على الدر المختار،كتاب الحظر والإباحة،ج:9،ص:607)