کسی مسلمان کے لیے بددعا کرنا جائز نہیں ہے۔حضورﷺ کا ارشاد ہے: ہمیشہ بندے کی دعا قبول ہوتی ہے،جبکہ وہ گناہ یا رشتہ کاٹنے کی دعا نہ کرے۔اس حدیثِ پاک کے تحت ملاعلی قاری رحمۃ اللہ علیہ ارشاد فرماتے ہیں:’’ ومنه الدعاء على من لم يظلمه مطلقا ‘‘ترجمہ:(جو دعائیں قبول نہیں ہوتیں)ان میں سے ایک اس شخص کے لیے بد دعا کرنا ہے کہ جس نے اس پر کوئی ظلم نہیں کیا۔نیز جس شخص  کے پاس  ایک دن کا کھانا ہو اور ستر ڈھانپنے کے لیے کپڑا ہو اس کے لیے لوگوں سےسوال کرناجائز نہیں،اسی طرح جو آدمی کمانے پر قادر ہو اس کے لیےبھی لوگوں سے سوال کرنا جائز نہیں ۔

             صورتِ مسئولہ کے مطابق نہ تو کسی سے خوشی کے موقع پر سوال جائز ہےاور نہ ہی بددعا کرنے کی اجازت ہےاور اللہ تعالیٰ کے رحم سے امید ہےکہ وہ ایسی بد دعا قبول نہیں فرمائیں گے۔

لایزال یستجاب للعبد ما لم يدع باثم او قطيعة رحم (الصحیح لمسلم،کتاب الذکر والدعاء،باب بیان انہ یستجاب للداعی ما لم یعجل،ج:2،ص:352)

ومنه الدعاء على من لم يظلمه مطلقا (مرقاۃ المفاتیح ،جلد4،ص:1525)

ولا یحل ان یسال شیئا من القوت من لہ قوت یومہ بالفعل او بالقوۃکالصحیح المکتسب ویاثم معطیہ ان علم بحالہ لاعانتہ علی المحرم ولو سال للکسوۃ او لاشتغالہ عن الکسب بالجھاد او طلب العلم جاز لومحتاجا (الدر المختار مع رد المحتار ،ج:2،ص:354تا355)