حق شفعہ کے ثبوت کے لیے یہ ضروری ہے کہ جس زمین پر شفیع شفعہ کا دعوی کرتا ہے ،  وہ کسی مالی معاوضہ سے حاصل کی گئی ہو، اگر  مالی معاوضہ سے نہیں بلکہ ہبہ، میراث یا وصیت کے ذریعے زمین کی ملکیت دوسرے کو منتقل ہوتی ہو ،تو اس پرشفعہ کا دعوی کرنا شرعاً جائز نہیں۔

              صورت  مسئولہ میں جن بھتیجوں  کو زمین اپنے والد سے میراث میں ملی تھی اُن کے چچا کا اس زمین میں شفعہ کا دعوی درست نہیں ہے۔

(وأمـاشـرائـطـهـا فـأنـواع ) مـنـهـا عـقـد المعاوضة وهو البيع، أوماهو بمعناه، فلاتجب الشفعة بماليس ببيع ، ولا بمعنى البيع، حتى لاتجب بالهبة والصدقة والميراث والوصية. (الفتاوى الهندية، كتاب الشفعة، الباب الأول، ج:5، ص:160)