غسل فرض ہوجانے کے بعد جس قدر جلدی غسل کرلےبہتر ہے،تاہم اگر کسی وجہ سے فوری طور پر فرض غسل نہ کرےاور اس میں تاخیر ہوجائے،لیکن غسل میں تاخیر کی صورت میں  کوئی نماز قضا  نہ ہوتو اس کی گنجائش ہے ،لیکن  اگر کوئی شخص اتنی دیر تک غسل  کو مؤخر کرے کہ اس میں نماز قضا ہوجائے تو اس پرگناہ گار ہوگا۔

            لہذا صورت مسؤلہ میں  مہینہ دو مہینے یا تین مہینہ تک فرض غسل کو مؤخر کرنا  سخت گناہ ہے، نیز اگر بیوی بچوں کواس بات کا علم ہو تو ان کے ذمے حکمت کے ساتھ اس کو غسل کرنے کی ترغیب دینا ہے،اوراس حالت میں بیوی سے ہمبستری جائز ہےنیزاس حالت میں اگر ہمبستری سے علوق ہو جائےتو بچے پر کو ئی اثر نہیں پڑتا اور نکاح پر بھی کو ئی اثر نہیں پڑتا۔

الجنب إذا أخر الاغتسال إلى وقت الصلاة لا يأثم. كذا في المحيط.قد نقل الشيخ سراج الدين الهندي الإجماع على أنه لا يجب الوضوء على المحدث والغسل على الجنب والحائض والنفساء قبل وجوب الصلاة أو إرادة ما لا يحل إلا به.(الفتاوى الهندي،ج:1،ص:16)