شرعی نقطہ نظر سے عشر کے وجوب کے لیے زمین کا مالک ہونا ضروری نہیں ، بلکہ جو شخص بھی زمین میں کاشتکاری کرکے فصل حاصل کرے تو اس پر عشر کی ادائیگی واجب ہوگی۔ نیزاگرفصل کی سیرابی بارش یا کسی ایسے ذریعہ سے ہو جس پر خرچ وغیرہ نہ آئے تو ایسی صورت میں عشر، ورنہ نصف عشر واجب ہوگا۔

           صورت مسئولہ میں جب اس شخص نے  یہ ز مین عاریتاً لی ہے اور وہ اس سے نہرکے اس پانی کے ذریعے  پیداوار حاصل کر رہا ہے تو اگر اس پر کوئی  خرچ وغیرہ نہ آتا ہو اور نہ نہر سے کھیت تک پانی پہنچانے میں کوئی مشقت ہو تو ایسی صورت میں  عشر واجب ہوگا اور اگر اس پر خرچ آتا ہو یا پانی پہنچانے میں مشقت اٹھانی پڑتی ہو تو ایسی صورت میں  نصف عشر واجب ہوگا۔

أن ملك الأرض ليس بشرط لوجوب العشروإنماالشرط ملك الخارج؛ لأنه يجب في الخارج لا في الأرض۔۔۔(و)يحب(نصفه في مسقي غرب)أي دلو كبير(ودالية) أي دولاب لكثرة المؤنة۔۔۔علة لوجوب نصف العشر.(ردالمحتارعلی الدرالمختار،کتاب الزکوۃ،باب العشر،ج:3،ص:266،268)