واضح رہے کہ کسی چیز کی خرید و فروخت میں متعاقدین جس قیمت پر راضی ہو جائیں  توخریدار پر اس چیز کے عوض وہی قیمت فروخت کنندہ کے لیے لازم ہو جاتی ہے۔ اب اگر کچھ دنوں بعد خرید ار اس مال کو واپس کر نا چا ہے  تواسی قیمت کے عوض اس کو واپس کرے گا، جس قیمت پر اس نے خریدی تھی، اگر چہ بازار میں اس چیز کی قیمت کم یا زیادہ ہو گئی ہو۔ البتہ اگر دونوں طرف سے مکمل ادائیگی ہوچکی ہو اور وہی مال نئے سرے سےسابقہ قیمت سے کم یا زیادہ کے بدلے فروخت کرے تو یہ  جائز ہے۔

           صورت مسئولہ میں گاہک کا ایک  ہزار( 1000)روپے کے عوض خرید اہوا مال تین سو(300) روپے میں  بائع کو واپس کر ناشر عا جائز نہیں۔ البتہ طرفین کی رضامندی سے  بیع جدید کی صورت میں تین  سو(300) روپے میں   وہی مال دوبارہ  فروخت کیا جاسکتا ہے۔

وتصح بمثل الثمن الأول وشرط الأکثرأوالأقل بلا تعیب وجنس آخر لغو، ولزمه بمثل الثمن الأول۔(البحرالرائق شرح كنزالدقائق، كتاب البيع باب الاقالة، ج:6،ص:173)