شرعی نقطہ نظر سے معذور بننے کے لیے یہ ضروری ہے کہ اس عذر کی وجہ سے کسی فرض نماز کا کامل وقت اس طرح گزر جائے کہ اس میں وہ باوضورہ کر نماز نہ پڑھ سکے ، چنانچہ اگر کسی شخص پر کسی بھی فرض نماز کامکمل وقت حالت عذر میں گز ر جائے اور اس میں نماز پڑھنے کی فرصت نہ ملے تو شرعا ایسا شخص معذور سمجھا جائے گا اس کے بعد معذور  کے حکم پر باقی رہنے  کے لیے بعد کے اوقات میں اگر اس کو ایک باربھی یہ عذر پیش آتا رہےتو  وہ معذور کے حکم میں ہوگا ،البتہ  اگر ایک فرض نماز کا پورا وقت بغیر عذر کے گزر گیا تو اب یہ معذورنہیں رہے گا۔

              صورت مسئولہ میں مذکورہ شخص  کو معذور بننے کے بعد اگر صرف   بیس یا تیس منٹ کے لیے بیماری سے افاقہ ہوتا ہو تو اس سےوہ شخص معذور ہونے کے حکم  سے نہیں نکلتا ، لہذا وقت داخل ہونے کے بعد وضو کر کے اسی حالت میں نماز ادا کرے اور وقت ختم ہونے کے بعد دوسری نماز کے لیے دوبارہ وضو کیا کرے۔

والمستحاضة ومن به سلس البول والرعاف الدائم والجرح الذي لا يرقأ يتوضئون لوقت كل صلاة فيصلون بذلك الوضوء في الوقت ما شاءوا من الفرائض والنوافل۔ ۔ ۔  فإن توضئوا حين تطلع الشمس أجزأهم عن فرض الوقت حتى يذهب وقت الظهر۔ ۔ ۔  والمراد بالوقت وقت المفروضة حتى لو توضأ المعذور لصلاة العيد له أن يصلي الظهر به عندهما وهو الصحيح۔(الهداية،كتاب الطهارات،باب الحيض والاستحاضة،ج1،ص65،66)