شریعت مطہرہ کی رو سے جب  کوئی شخص اپنی بیوی کی طلاق کو کسی شرط کے ساتھ  معلق کرے تو شرط کے واقع ہونے کی صورت میں طلاق واقع ہو جاتی ہے اور اگر شرط واقع نہ ہو تو طلاق واقع نہیں ہوگی۔

            صورت مسئولہ میں جس شخص نے طلاق کو کسی متعین عورت سے نکاح نہ کرنے کے ساتھ معلق کیا ہے تو جب تک نکاح کرنے کا احتمال باقی ہوگا ، طلاق واقع نہ ہو گی ، چنانچہ فی الحال اس عورت سے نکاح نہ ہونے کی وجہ سے کوئی طلاق واقع  نہ ہوگی ،البتہ اس عورت کے فوت ہو جانے کے ساتھ یا  خود اس آدمی کےفوت ہو جانےکے ساتھ طلاق کی شرط (متعین عورت سے نکاح نہ کرنا)   پوری ہونے کی وجہ سے ایک طلاق واقع ہو جائے گی ، بشرطیکہ اس کی منکوحہ عورت اس وقت اس کے نکاح میں موجود ہو۔

قال ابـن عـابـديـن تـحـت قوله : ( ولو حلف ليفعلنه بر بمرة.... وإذالم يفعل لا يحكم بوقوع الحنث حتى يقع اليأس عن الفعل ، وذلك بموت الحالف قبل الفعل... أو بفوات محل الفعل. (ردالمحتار على الدرالمختار، كتاب الأيمان، باب اليمين في الضرب والقتل، مطلب حلف ليفعلنه بر بمرة، ج:5، ص:669)