فقہاے کرام کی تصریحات کے مطابق ایک شخص کے سرمائے اور دوسرے کی محنت سے چلنے والا کاروبار عقد مضاربت کہلاتا ہے۔مضاربت میں نفع کی تقسیم مضارب اور رب المال کے مابین کسی خاص تناسب سے طےکرناضروری ہے،جب کہ حقیقی نقصان کا ذمہ دار صرف رب المال (سرمایہ کا مالک) ہوا کرتا ہے۔اگرمضاربت میں مضارب یارب المال (سرمایہ دینے والے) میں سےکسی ایک کے لیے خاص معین رقم مقرر کی جائے، تواس شرط سے عقد مضاربت فاسد ہو جاتی ہے۔

        صورت مسؤلہ میں بیان کردہ تفصیلات کے مطابق یہ معاملہ جائز نہیں؛ کیونکہ اس میں رب المال کے لئے ماہانہ ایک خاص مقدار میں (1500 روپے) رقم مقرر کی گئی ہے۔کاروبار کی جائز صورت یہ ہے کہ عقد کے وقت  دونوں فریق باہمی رضامندی سے یہ طے کرلیں کہ اس رقم سے جو بھی نفع ہوگا، اس کا اتنا فیصد زید کا ہوگا اور اتنا فیصد بکر کا ہوگا۔مثلاً 50 فیصد زید کا اور50فیصد بکر کا ہوگا۔

قال: "ومن شرطھا أن يكون الربح بينهما مشاعا لا يستحق أحدهما دراهم مسماة "من الربح۔۔۔فلعله لا يربح إلا هذا القدر۔( الهداية، كتاب المضاربة، ج:3، ص:263)

ويشترط  أيضا في المضاربة أن يكون نصيب كل منهما من الربح معلوما عند العقد لأن الربح هو المعقود عليه وجهالته توجب فساد العقد۔( فتح القدير، كتاب المضاربة، ج:7، ص:321)