واضح رہے کہ اجیر خاص کو اجرت اس کے عمل کے عوض ملتی ہے۔ لہذا اگر وہ مفوضہ  کام صحیح طرح سے سرانجام دینے پر قادر ہواور مقررہ وقت میں اپنی حاضری یقینی بناتا ہوتو اس کے لیے اجرت لینا جائز ہوتا ہے ۔

              صورت مسئولہ کے مطابق جب کوئی شخص جعلی سند کے ذریعہ ملازمت حاصل کرتا ہے تو اگر وہ مفوضہ ڈیوٹی بخوبی سرانجام دینے پر قادر ہوتو اس کے لیے تنخواہ لینا حلال ہے، لیکن ملازمت حاصل کرنے کے لیے اختیار کیا گیا یہ طریقہ بہر حال ناجائز اور حرام ہے، کیونکہ اس میں جھوٹ اوردھوکہ دہی جیسے سنگین گناہوں کا ارتکاب ہے۔

تتعقد الإجارة بالإيجاب والقبول كالبيع۔ (شرح المجلة لسليم رستم باز، المادة 4330، كتاب الإجارة ، الباب الثاني في المسائل المتعلقة بالأجرة، ص:243)

يشترط في صحة الإجارة رضا العاقدين۔( شرح المجلة لسليم رستم باز، المادة:448، كتاب الإجارة ، الباب الثاني في المسائل المتعلقة بالأجرة، ص:254)