شریعت نے نفع کے لیے کوئی خاص حد متعین نہیں کی ہے،لیکن تجار کو حکم دیا ہےکہ وہ معروضی حالات کی مناسبت سے اشیا کی ایسی قیمتیں متعین کیا کریں جن میں نہ خریداروں پر ناقابل تحمل بوجھ پڑےاور نہ ہی خود ان کو نقصان پہنچے۔کسی کی مجبوری سے غلط فائدہ نہ اٹھائیں اور ظلم زیادتی کی تجارت سے گریزکریں۔لہذااگر تاجر جھوٹ اور دھوکہ دہی سےبچتے ہوئےگاہک کی رضامندی سے کسی بھی قیمت پر معاملہ کرےتو اس کی گنجائش ہےیعنی نفسِ کمائی حلال ہے،تاہم اس قدر نفع لینے کو فقہاء نے نا پسندیدہ اور خلاف مروت کہا ہے جو غبن فاحش کے زمرے میں آتاہویعنی مارکیٹ میں کسی چیز کی جو زیادہ سے زیادہ قیمت چل رہی ہو اس سے بھی  زیادہ نفع لیا جائے۔

            صورت مسئولہ کےمطابق اگر میڈیسن کی قیمتیں حکومت کی جانب سے متعین ہوں تو اس متعین قیمت پر بیچنا جائز ہے،تاہم حکومت کو عوام کی معاشی حالت مد نظر رکھتے ہوئےاشیائے ضرورت کے لیے منصفانہ قیمتوں کا تعین کرنا چاہیے۔

الثمن المسمی ھو الثمن الذی یسمیہ ویعینہ العاقدان وقت البیع بالتراضی سواء کان مطابقا لقیمتہ الحقیقیۃ أو ناقصا عنھا أو زائدا علیھا۔(شرح المجلۃ رستم،ج:1،ص:73،المادۃ:103)۔

والفاصل بين القليل والكثير إن كانت زيادة تدخل تحت تقويم المقومين فهي قليلة، وما لا تدخل تحت تقويمهم فهي كثيرة؛ لأن ما يدخل تحت تقويم المقومين، لا يتحقق كونه زيادة وما لا يدخل كانت زيادته متحققة۔(بدائع الصنائع،فصل فی بیان حکم التوکیل،ج:7،ص:446)

قوله (والزيادة فيه) أي صحت الزيادة في الثمن (والحط منه) أي من الثمن، ويلتحقان بأصل العقد عندنا۔۔۔ ولنا أنهما بالحط والزيادة يغيران العقد من وصف مشروع إلى وصف مشروع، وهو كونه رابحا أو خاسرا أو عدلا، ولهما ولاية الرفع فأولى أن يكون لهما ولاية التغيير۔(البحر الرائق،باب المرابحۃ والتولیۃ،فصل فی بیان التصرف فی المبیع والثمن،ج:6،ص:198)