واضح رہے کہ  موصی کی وصیت صرف ان لوگوں کے حق میں معتبر ہے، جوشرعا اس کے وارث نہ ہوں۔ اگر موصیٰ لہ پہلے سےوارث ہوتو اس کے حق میں وصیت درست نہیں ۔ البتہ اگر دیگر  عاقل بالغ ورثا اپنی رضامندی سے اس کی اجازت دےدیں تو پھر وارث کے حق میں بھی وصیت نافذ ہو جائے گی ۔

          صورت مسئولہ میں   شوہر کی وصیت چونکہ بیوی کے حق میں ہے اور بیوی شوہر کی وفات کے بعد اس کے  مال ِ میراث  میں اپنے حصہ میراث کے بقدر وارثہ ہوتی ہے،  اس لیے  اپنے گھر کی وصیت بیوی کے لیے کرنا درست نہیں تاہم دیگر ورثاء اگر اپنی رضامندی سےشوہر کی اس وصیت کو اس کی بیوی کے حق میں نافذ کرنا چاہیں تو کر سکتے ہیں۔

( ولا تـجـوز لـوارثـه لـقـولـه عـليـه السلام : " إن الله أعطى كل ذي حق حقه ، ألا لا وصية للوارث“ ولأنه يتأذى البعض بإيثار البعض، ففي تجويزه قطعية الرحم ؛ ولأنه حيف ... الاأن يجيزها الورثة. (الهداية، كتاب الوصايا، ج:4، ص:639)