حق وراثت اضطراری حق ہے جو ساقط کرنے سے ساقط نہیں ہوتا البتہ اپنا حصہ وصول کر لینے کے بعد وارث کسی کو بھی دینا چاہے تو دے سکتا ہے۔

            صورت مسؤلہ کے مطابق اگر کوئی وارث اپنا حصہ چھوڑنا چاہے تو اس کاشرعی طریقہ کار یہ ہے کہ اول تمام میراث کو تقسیم کردیا جائے تقسیم کرلینے کے بعد جب تمام ورثاء اپنے اپنے حصے پر قبضہ کرلیں تو پھر اگر کوئی شخص اپنا حصہ چھوڑنا چاہے یا کسی کو دینا چاہے تو دے سکتا ہے۔تقسیم سے پہلے محض زبان سے کہہ دینے سے نہ تو اپنا حصہ چھوڑ سکتا ہے اور نہ ہی اپنا حصہ کسی کو دے سکتا ہے۔ اسی لیے زبانی حصہ چھوڑدینے کےبعد بھی اس وارث کا حقِ میراث  ساقط نہیں ہوتا بلکہ بدستور اسے اپنے حصے کا مطالبہ کرنے کا حق حاصل رہے گا۔

الإرث جبري لَا يسْقط بالإسقاط.( قره عين الأخيار لتكملة رد المحتار علی الدر المختار، کتاب الدعوی، باب التحالف، ج:7، ص:505)

لو قال تركت حقي من الميراث أو برئت منها ومن حصتي لا يصح وهو على حقه لأن الإرث جبري لا يصح تركه۔(ردالمحتار علی الدرالمختار،ج8،ص89)

لَوْ قَالَ الْوَارِثُ  تَرَكْتُ حَقِّي لَمْ يَبْطُلْ حَقُّهُ ؛ إذْ الْمِلْكُ لَا يَبْطُلُ بِالتَّرْكِ۔(الاشباه والنظائرلابن نجيم،ج1، ص316)