واضح رہے کہ شریعت نےمالک  کو اپنی مملوکہ چیز  چاہے  مکان ہو یا زمین  دوسرے لوگوں کو اجارہ پر دینے کا حق دے رکھا ہے  ، لیکن اس شرط کے ساتھ کہ اس سے شرعی حدود پائے مال نہ ہوں ۔چنانچہ جہاں شرعی حدود پائے مال ہوتے ہوں تو  ایسےاجارہ کی اجازت نہیں۔لہذا سودی بینک کو زمین یا مکان کرایہ  پر  دینا "اعانت علی المعصية"(گناہ میں تعاون)  کے مترادف ہوکر جائز نہیں۔

قال اللہ تعالی :تَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ۔(المائدہ :2)

(لا تصح الإجارة لعسب التيس) وهو نزوه على الإناث (و) لا (لأجل المعاصي مثل الغناء والنوح والملاهي)۔(الدرالمختار،كتاب الإجارة،باب الإجارةالفاسدة،ج:9،ص:75)