شریعتِ مطہرہ کی رو سے حرام مال کو اصل مالک  کی طرف لوٹانا ضروری ہے لیکن اگر اصل مالک معلوم نہ ہو تو پھر اس مال کو بلا نیتِ ثواب فقرا اورمساکین پرصدقہ کرنا ضروری ہے ۔

           صورت مسؤلہ میں(1) اگر حرام  رقم سے گھر وغیرہ کی تعمیر کی ہو تو توبہ کرکے جتنا حرام پیسہ اس میں استعمال کیا ہے حساب لگا کر اتنی ہی رقم  اصل مالک کو لوٹا دے،لیکن اگر اصل مالک معلوم نہ ہو تو خلاصی کی صورت یہ ہو سکتی ہے کہ گزشتہ گناہ پر  پشیماں اور نادم ہو کر استغفار کرے اور اس حرام مال کو بغیر نیتِ ثواب کے فقرا اور مساکین پرصدقہ کرے ۔

اسی طرح(2)حرام کی کمائی سے بیوی کے لیےایک تولہ سونے کی بالیاں بنوائی ہے اس میں بھی (2005) کا حساب لگائے  جتنا حرام پیسہ اس میں استعمال کیا ہے حساب لگا کر اتنی ہی رقم  اصل مالک کو لوٹا دے،ورنہ بغیر نیتِ ثواب کے فقرا اور مساکین پرصدقہ کرے ۔

والسبيل في المعاصي ردها وذلك هاهنا برد المأخوذ إن تمكن من رده بأن عرف صاحبه وبالتصدق به إن لم يعرفه ليصل إليه نفع ماله إن كان لا يصل إليه عين ماله۔(الفتاوى الهندية، كتاب الكراهية ، ج:5، ص:349)

لأن سبيل الكسب الخبيث التصدق إذا تعذر الرد على صاحبه۔(ردالمحتار على الدر المختار، ‌‌كتاب الحظر والإباحة ، فصل فی البیع، ج:9،  ص:553)