واضح رہے کہ ایک شخص پر دوسرے شخص کے نقصان کا تاوان تب لازم آئے گا  جب اس شخص نے قصداً وہ نقصان پہنچایا ہو یا وہ اس  کےلیے سبب ہو  لیکن اگر نہ  اس نے قصداً وہ نقصان پہنچایا ہو  اور نہ وہ اس کےلیے سبب ہو تو اس پر کوئی تاوان لازم نہیں آئے گا۔

            لہذا صورت مسئولہ میں اگر چہ استاذ نے شاگرد کو سودا لانے  کےلیے بازار  بھیجا ہے  لیکن  شاگرد کے قتل میں استاذ کا کوئی عمل دخل نہیں ہے اس وجہ سے  قتل کی نسبت استاذ کی طرف نہیں کی جائے گی اور نہ اس سے دیت کا مطالبہ کیا جائے گا۔

يشترط شيئان:التعمد والتعدي لأن يكون التسبب موجبا للضمان على ما ذكر آنفا في المادتين،يعني ضمان المتسبب في الضرر الناشيئ عن تسسبه مشروط بعمله فعلا مفضيا إلى ذلك الضرر عمدا وبغير حق،أي إذا كان قد  استعمله عمدا وتعديا كان ضامنا.(درر الحكام شرح مجلة الأحكام،ج:2،المادة:924،ص:611)