اگر کوئی شخص اپنی بیوی کو صریح الفاظ کے بجائے ایسے محتمل الفاظ کہے ،جن میں طلاق اور طلاق کے علاوہ دوسرے مفہوم کا  احتمال ہو ، تو ایسے الفاظ کنایہ کہلاتے ہیں ،اگر شوہر نے طلاق کی نیت کی یا مذاکرہ طلاق ہو یا حالت غضب میں ایسا کلام صادر ہوا ہو تو اس سے ایک طلاق بائن واقع ہوگی،ورنہ نہیں۔

            صورت مسؤلہ میں خاوند کے الفاظ"میں نے فیصلہ دیا"کنائی الفاظ ہیں جس میں نیت کا اعتبار ہوگا،اگر نیت طلاق کی ہو تو اس سے ایک طلاق بائن واقع ہو گی،جس کے بعد دوبارہ ازدواجی تعلق استوار کرنے کے لیے تجدید نکاح ضروری ہے۔

الكنايات(لاتطلق بها)قضاء(إلا بنية أو دلالة الحال)۔(الدر المختار على صدر رد المحتار:كتاب الطلاق،باب الكنايات،ج:4،ص:547)

وبقية الكنايات إذا نوى بها الطلاق كانت واحدة بائنة۔۔۔۔۔لانها تحتمل الطلاق وغيره،فلابد من النية۔۔۔۔۔۔۔(الهداية:كتاب الطلاق،فصل في الطلاق قبل الدخول،ج:2،ص:389)

إذا كان الطلاق بائنا دون الثلاث فله أن يتزوجها في العدة (الفتاوى الهندية:كتاب الطلاق ،فصل فيما تحل به المطلقة وما يتصل به،ج:1،ص:535)