موجودہ دورمیں پینٹ شرٹ اگرچہ زیادہ ترغیرمسلم ممالک میں رائج ہے،لیکن اس کے ساتھ ساتھ بعض مسلم ممالک میں بھی اچھے خاصے لوگ پینٹ شرٹ استعمال کرتے ہیں،چونکہ یہ غیرمسلموں کامذہبی لباس نہیں،اس لیےاس کومذہبی شعارکہنا درست نہیں،تاہم ہمارے معاشرہ میں اسے مغربی لباس سمجھا جاتاہےاوراس کےاستعمال سےایسےلوگوں کےساتھ مشابہت لازم آتی ہے،جومغربی تہذیب سےزیادہ متاثرہوتےہیں،اس لیے کسی ضرورت کے بغیراس کےپہننےسےاحترازبہترہےاورجہاں سکول،کالج یاملازمت میں بطور وردی استعمال کرناضروری ہووہاں اس کےپہننےمیں کوئی حرج نہیں۔

            یاد رہےکہ یہ حکم اس پینٹ کےبارےمیں ہےجواتناچست نہ ہوکہ جسم کےاعضاکاحجم اس میں نظرآئے۔چنانچہ اگرکوئی لباس اتنا تنگ ہوکہ اس میں جسم کےاعضا کا حجم نظرآتاہوتواس کاپہنناجائزنہیں۔

لا يحل النظر إلى عورة غيره فوق ثوب ملتزق بها يصف حجمها ۔۔۔۔(ردالمحتارعلی الدرالمختار،کتاب الحظروالإباحة،فصل في النظروالمس،ج:9،ص:526)