والدین کے ترکہ میں جس طرح  نرینہ (مذکر) اولاد کا حق  ہوتا ہے، اسی طرح بیٹیوں کا بھی اس میں شرعی حق  ہوتا ہے، والدین کے انتقال کے بعد ان کے ترکہ پر بیٹوں کا خود  قبضہ کرلینا اور بہنوں کو ان کے شرعی حصے سے محروم کرنا ناجائز اور سخت گناہ ہے۔نیزبیٹیوں کےاپنے باپ کے میراث میں چند سال تک حصہ  نہ مانگنے سے  اورخاموش رہنے سے ان کے میراث کا حق ساقط نہیں ہوتا۔

            صورت مسؤلہ  میں اگر بھائیوں نے باپ کا ترکہ  اپنے مابین تقسیم  کرکے بہنوں کو حصہ نہ دیا ہو تو اس سے بہنوں کا  حق   میراث ساقط نہیں ہوا ہے  بلکہ وہ  بھائیوں سے اپنے حصے کے بقدر مطالبے کی حقدار ہیں۔

وعن أنس قال: قال رسول الله صلى الله عليه وسلم: «من قطع ميراث وارثه قطع الله ميراثه من الجنة يوم القيامة» . رواه ابن ماجه".(سنن ابن ماجه، باب الوصایا، الفصل الثالث، ج:1،ص: 266)

لو قال الوارث: تركت حقي لم يبطل حقه؛ إذ الملك لا يبطل بالترك۔(الأشباه والنظا ئر لإبن نجيم، مايقبل الإسقاط من الحقوق وما لايقبله، ج:1، ص:272)

الإرث جبري لا يسقط بالإسقاط۔(تكملة ردالمحتار،كتاب الدعوی، باب التحالف، ج:11، ص:678)