واضح رہےکہ وقف کی چیزیں اسی متعلقہ مصرف میں استعمال ہوں گی جس کےلیے یہ وقف کی گئی ہوں اور اس وقت تک اسی مصرف میں استعمال  ہوں گی جب تک اسی مصرف میں ان کا استعمال ممکن ہو،ہاں اگرموقوفہ چیزوں کااستعمال متعلقہ مصرف میں ممکن نہ رہے،تو پھر موقوفہ اشیا فقرا کو دینے کی بجائے فروخت کرکے ان کی قیمت متعلقہ مصرف میں خرچ کی جائے گی جن کے لیے یہ چیزیں وقف کی گئی ہوں۔

            لہذا صورت مسئولہ میں مسجد کے لیے موقوفہ چیزیں مسجد ہی میں استعمال ہوں گی جب تک اسی مصرف میں ان کا استعمال ممکن ہو،البتہ اگر ان کی بجائے نئی چیزیں کسی نےمسجدکےلیےوقف کی ہوں تومتولی کو چاہیے کہ وہ پرانی موقوفہ اشیا کوفروخت کرے اور ان کی رقم مسجد کے دیگر مصالح میں خرچ کرے۔

الفاضل من وقف المسجد هل يصرف إلى الفقراء قيل لا يصرف وأنه صحيح ولكن يشتري به مستغلا للمسجد كذا في المحيط ۔ (الفتاوی الھندیة،كتاب الوقف،الباب الحادي عشر في المسجد،ج:2،ص:463)