واضح رہے کہ شریعت نے ہر وارث کے لیے اپنا حصہ مقرر کیا ہے جو مرنے والے کی موت کے بعد اس کے زندہ ورثا کو دیا جاتا ہے تاہم اگر کوئی شخص زندگی میں اپنی خوشی اور رضامندی سے مملوکہ مال وجائیداد میں سے اولاد کو دینا چاہے توہبہ کرسکتا ہے البتہ ہبہ کے تام ہونے کے لیے یہ ضروری ہے کہ جو چیز ہبہ کی جائے اس پر قبضہ اور تصرف کا مکمل اختیار بھی دیا جائے کیونکہ قبضہ کے بغیر ہبہ پورا نہیں ہوتا۔

            صورت مسؤلہ میں اگر والد نےزندگی میں بیٹیوں کو سونا دے قبضہ بھی دیا ہو تو شرعاً اس سونے پر بیٹیوں کی ملکیت ہوگی،اور اس میں میراث کے احکام جاری نہیں ہونگے،البتہ جو جائیداد مرحوم نے اپنی زندگی میں اپنی ملکیت میں  چھوڑی ہو اور موت کے بعداپنے بیٹوں کو دینے کا کہاہو تو ازروئے شریعت چونکہ وارث کے لیے وصیت کرنا جائز نہیں ۔لہذا اس جائیداد میں بیٹیاں بھی دوسرے ورثا کے ساتھ اپنے حصہ کے بقدر حقدار ہوں گی۔

( ولا تجوز لوارثه )لقوله عليه الصلاة والسلام إن الله تعالى أعطى كل ذي حق حقه ألا لا وصية لوارث۔(الهداية،كتاب الوصايا، ج:4، ص:639)

  وَلَوْ وَهَبَ رَجُلٌ شيئا لِأَوْلَادِهِ في الصِّحَّةِ وَأَرَادَ تَفْضِيلَ الْبَعْضِ على الْبَعْضِ في ذلك لَا رِوَايَةَ لِهَذَا في الْأَصْلِ عن أَصْحَابِنَا ...عن أبي يُوسُفَ رَحِمَهُ اللَّهُ تَعَالَى أَنَّهُ لَا بَأْسَ بِهِ إذَا لم يَقْصِدْ بِهِ الْإِضْرَارَ وَإِنْ قَصَدَ بِهِ الْإِضْرَارَ سَوَّى بَيْنَهُمْ يُعْطِي الِابْنَةَ مِثْلَ ما يُعْطِي لِلِابْنِ وَعَلَيْهِ الْفَتْوَى.(الفتاوى الهندية،الباب السادس فى الهبة، ج:4، ص:437)