واضح رہے کہ ازروئے شریعت ایجاب وقبول ے ساتھ بیع تام ہو جاتی ہے ایجاب وقبول کے بعد مشتری کو اختیار ہوتا ہے کہ چاہے اس چیز کو اپنے پاس رکھے یا کسی اور پر نقد کم قیمت میں بیچ دے تا ہم دوبارہ اسی بائع پر اس سے کم قیمت میں نہیں بیچ سکتا جس قیمت میں اس نے بائع سے خریدا ہو۔

             لہذا  صورت  مسئولہ کے مطابق  جب بائع مشتری پراُدھار  کوئی چیز بیچ دے   اور مشتری اس پر قبضہ کر لے  تو اس کے بعد مشتری کو اختیار ہے چاہے تو اپنے پاس رکھے یا کسی اور پرنقد کم قیمت میں  بیچ دے تا ہم دوبارہ اسی بائع پر اس سے کم قیمت میں نہیں بیچ سکتا  جس قیمت میں اس نے بائع سے خریدا ہو،البتہ بار بار اُدھار خرید کر  نقد کم قیمت  میں بیچنے سےدیوالیہ بننے کا خطرہ زیادہ ہے اس لیے حتی الوسع اس سے احتراز  کرنا چاہیے۔

(البيع ينعقد بالإيجاب والقبول) الانعقاد هاهنا تعلق كلام أحد العاقدين بالآخر شرعا على وجه يظهر أثره في المحل. والإيجاب الإثبات.(العناية شرح الهداية،كتاب البيوع،ج:6،ص:248)

ولم يجز شراؤه وشراء من لا تصح شهادته له ما باع بنفسه أو بيع له بأن باع وكيله بأقل مما باع قبل نقد الثمن لنفسه أو لغيره من مشتريه أو من وارثه.(الفتاوى الهندية،الفصل العاشر في بيع شيئين إحداهما لا يجوز،ج:3،ص:132)