واضح رہے کہ’’ ایک ،دو ،تین ‘‘اعداد ہیں جو اپنے اصل معنی کے اعتبار سےگنتی کے لیے وضع ہیں ان سے کسی بھی چیز کی گنتی مراد لی جاسکتی ہے۔عام طور پر عددکا معدود ذکر کیا جاتا ہے،لیکن کبھی ایسا بھی ہوتاکہ قرینہ ومقام کی وجہ سےمحض عدد ذکر کرنے پراکتفا کیا جاتا ہےاور معدود کومخاطب سمجھ جاتا ہے۔یہی وجہ ہےکہ اگر مذاکرہ طلاق ہویا میاں بیوی کے درمیان جھگڑا ہواور مذکورہ عدد کا تلفظ کیا جائےتو اس سے طلاق مراد لی جاتی ہے،چنانچہ بعض علاقوں کے عرف میں ’’ایک،دو،تین‘‘کے الفاظ جب بیوی سے بولے جائیں تو ا س سے طلاق ہی مراد لی جاتی ہے۔

                 صورت مسئولہ کے مطابق  اگرمذکورہ شخص نےطلاق دینے کے بعد ایک،دو،تین کہا ہواوراس علاقے کے عرف میں ’’ایک،دو،تین‘‘بیوی کو طلاق کی نیت سے استعمال کیے جاتےہوں یا شوہر نےان الفاظ میں طلاق کی نیت کی ہوتو اس سے بیوی پر تین طلاقیں واقع ہوچکی ہے اور بیوی طلاق مغلظہ کے ساتھ شوہر پر حرام ہوچکی ہے۔

رجل قال لامرأتہ’’ترایکی وتراسہ‘‘او قال’’تویکی توسہ‘‘قال ابو القاسم الصفار:لا یقع شیئ،قال صرد الشہید:یقع اذا نوی،قال وبی یفتی۔قال القاضی وینبغی ان یکون الجواب علی التفصیل:ان کان ذالک فی حال مذاکرۃ الطلاق أو فی حال الغضب یقع الطلاق،وان لم یکن لا یقع الا بالنیۃکماقال بالعربیۃ أنت واحدۃ.(خلاصۃ الفتاویٰ،کتاب الطلاق،الفصل الثانی فی الکنایات،ج:2،ص:98)۔

امرأۃ طلبت الطلاق من زوجھا فقال لھا دادم یکی ودو وسہ یقع الثلاث بدون النیۃ۔(خلاصۃ الفتاویٰ،کتاب الطلاق،الفصل الثانی فی الکنایات،ج:2،ص:98)۔

ولوقال:أنت بثلاث وقعت ثلاث ان نوی۔ولو قال لم أنو،لا یصدق إذا کان فی حال مذاکرۃ الطلاق والا صدق ومثلہ بالفارسیۃ(تو بسہ) علی ما ھو المختار للفتوی۔(الفتاوی الھندیۃ،کتاب الطلاق،الباب الثانی،الفصل الاول،ج:1،ص:424)۔