واضح رہے کہ شریعت مطہرہ کی رو سے  جب کسی چیز کا حق  ایک شخص کے ساتھ متعلق ہوجاتا ہے تو اس میں تصرف کرنا صرف اسی کے لیے جائز ہوا کرتا ہے اس کی اجازت کے بغیر دوسرے شخص کو  اس میں تصرف کا حق حاصل نہیں ہوتا ہے اسی طرح بعض چیزیں  ایسی بھی ہیں  جو اپنے اصل کے اعتبار سے مباح ہوتی ہیں  لیکن ان کے ارتکاب سے اگر دوسرے شخص کی حق تلفی  اور ضرر کا امکان ہو تو ان کی اباحت ختم ہوجاتی ہے۔چنانچہ  اکثر کتابوں  پر لکھے ہوئے یہ جملے"جملہ حقوق محفوظ ہیں"یا"جمیع الحقوق محفوظۃ"یا"All Rights Reserved"اس بات پر دلالت کرتے ہیں  کہ ان کتابوں کی طباعت  یا اس کے متعلق دیگر تصرفات مثلا اس کو PDFکی شکل دے کر سوشل میڈیا پر شئیر کرناصرف اس ناشر اور مصنف کا حق ہے۔تاہم اگر مصنف نے افادہ عام کی خاطراجازت دی ہو تو اس کا PDFبنانے کی گنجائش ہے۔

           لہٰذا صورت مسئولہ کے مطابق  اگر مصنف یا ادارے کی طرف سے کتاب خریدنے والے کوPDF شکل میں کتاب شیئر کرنے کی اجازت نہ ہو تو اس کے لیے اپنی طرف سے شیئر  کرناجائز نہیں ہے۔

كل يتصرف في ملكه كيف شاء لكن إذا تعلق حق الغير به يمنع المالك من تصرفه على وجه الاستقلال۔(شرح المجلة لمحمد  خالدالأتاسي،الباب الثالث في بيان المسائل المتعلقة بالحيطان والجيران،المادة:1196،ج:4،ص:132)

وفي شرح السير الكبير للسرخسي: وكذا كل ما يكون المسلمون فيه سواء كالنزول في الرباطات، والجلوس في المساجد للصلاة، والنزول بمنى أو عرفات للحج، حتى لو ضرب فسطاطه في مكان كان ينزل فيه غيره فهو أحق، وليس للآخر أن يحوله۔(رد المختار على الدرالمختار،كتاب الصلوة،باب ما يفسد الصلاة وما يكره فيها،مطلب فيمن سبقت يده إلى مباح۔ج:2،ص:463)