شریعت مطہرہ کی رو سےاگر شوہر اپنی بیوی سےاپنے گھر منتقل ہوجانے کا مطالبہ کرےاور بیوی اپنے حق مہر ادائیگی  کا مطالبہ کرے اور شوہر کے پاس  جانے سے انکار کرے اور تاحال شوہر نے حق مہر ادا نہ کیا ہو تو اس صورت میں  عورت کا نفقہ  شوہر پر لازم ہوگا ،البتہ اگر شوہر کے ذمے حق مہر باقی نہ ہو،یا مہر باقی ہو لیکن مؤجل ہونیز شوہر حقوق کی ادائیگی میں کوتاہی بھی نہ کررہاہو تو اس صورت میں بیوی اگر شوہر کے گھر جانے سے انکار کرے تو شوہر کے ذمے اس کا نفقہ لازم نہیں۔

            صورت مسؤلہ کے مطابق ا گر کسی شخص نے کسی خاتون سے شادی کی ہواوراس  سے ایک بچہ پیداہو،جس کے بعدیہ عورت کسی معقول وجہ کے بغیر اپنے والد کے گھر چلی گئی ہو اور خاوند اسے گھر لاناچاہتاہے لیکن یہ  خاوند کے پاس جانے کے لیے راضی نہیں تو ایسی صورت میں خاوند کے ذمے بیوی کانفقہ لازم نہیں،البتہ بلوغ تک اس بچے کا نفقہ والد کے ذمے واجب ہوگا۔

 فإن كان الزوج قد طالبها بالنقلة، فإن لم تمتنع عن الانتقال إلى بيت الزوج فلها النفقة، فأما إذا امتنعت عن الانتقال، فإن كان الامتناع بحق بأن امتنعت لتستوفي مهرها فلها النفقة، وأما إذا كان الامتناع بغير الحق بأن كان أوفاها المهر أو كان المهر مؤجلا أو وهبته منه فلا نفقة لها۔ (الهندية، كتاب الطلاق، الباب سابع عشر في النفقات، ج:1، ص:545)

 نفقة الأولاد الصغار على الأب لا يشاركه فيها أحد۔ (الهندية، كتاب الطلاق، الباب سابع عشر في النفقات، ج:1، ص:560)