شریعت مطہرہ کی رو سے مبیع کو ادھار پر نقد قیمت سے زیادہ  میں  فروخت کرنا جائز ہے۔تاہم یہ  بات ضروری ہے کہ اجل(مدت) اور ثمن  معلوم ہو،اور بائع اور مشتری کااس پراتفاق ہو، تاکہ بعد میں نزاع کا اندیشہ نہ ہو۔

           صورت مسؤلہ کے مطابق اگر مذکورہ شخص نے بیس لاکھ نقد روپیہ کے عوض  گاڑی خریدی ہواورپھر   دوسرے آدمی کوبائیس لاکھ روپیہ کے عوض پانچ ماہ کی مدت پر ادھار فروخت کی ہونیز بائع اور مشتری دونوں اس پر راضی ہوں  تو  شرعاً یہ  عقدجائز  ہے اگرچہ گاڑی کی قیمت فی الحال بیس لاکھ روپیہ ہو۔

ويجوز البيع بثمن حال ومؤجل إذا كان الأجل معلوما۔ (الهداية،الباب المدخل، ج:3، ص:21)

لأن للأجل شبها بالمبيع؛ ألا يرى أنه يزاد في الثمن لأجل الأجل۔ (الهداية،الباب المدخل، ج:3، ص:78)