واضح رہے کہ انسان کو اپنی زندگی میں مرضِ وفات سے  پہلے اپنے کل مال میں جائز تصرف کا حق حاصل ہے لہذا جو رشتہ دار شرعی طور پر وارث نہ بن رہے ہوں لیکن وہ مستحق اورضرورت مند ہوں تو اپنی زندگی میں انہیں ہبہ کیا جا سکتا ہے تاہم ہبہ تام ہونے کے لیے ضروری ہے کہ مکمل قبضہ اور تصرف بھی ان کو دیا جائے۔

                صورت مسئولہ میں  اگر واقعی دادا نے بحالت ِ ہوش وحواس یتیم پوتے کو زمین دے کر قبضہ اور تصرف اس کےحوالہ کر دیاہو توزمین پرپوتے  کی ملکیت ثابت ہوگی،لہذا  بعد میں دادا کے فوت ہوجانے سے بطورِ میراث مذکورہ زمین میں دادا کے دیگر ورثا کی شرکت ثابت نہ ہوگی۔

ليس له حق الرجوع بعد التسليم في ذي الرحم المحرم وفيما سوى ذلك له حق الرجوع إلا أن بعد التسليم لا ينفرد الواهب بالرجوع بل يحتاج فيه إلى القضاء أو الرضا. (الفتاوى الهندية، الباب الخامس في الرجوع في الهبة، ج:4، ص:385)

لا يثبت الملك للموهوب له إلا بالقبض هو المختار، هكذا في الفصول العمادية. (الفتاوى الهندية، الباب الثاني فيما يجوز من الهبة وما لا يجوز، ج:4، ص:378)