شریعت مطہرہ کی رو سے صاحب نصاب شخص کے لیے قربانی کےجانور کو تبدیل کرنے کی گنجائش ہے،لہذا اگر شرکاء میں سے کوئی شریک باہمی رضامندی سے بڑے جانور کا حصہ دوسرے پر فروخت کرے اور اس کے بدلے الگ قربانی کرے تو جائز ہے۔

            صورت مسؤلہ کے مطابق اگر صاحب نصاب شخص  نے قربانی کرنے کے لیے گائے کے سات حصوں  میں سے ایک حصہ لیا ہو اوراس کے بعد یہ شخص مذکورہ حصہ بہن پرفروخت کرکے  خود بکری ذبح کرنا چاہتا ہو توشرعاً  اس شخص کے لیےقربانی کے جانور میں مذکورہ تبدیلی جائز ہے۔

 وبالشراءبنية الأضحية ان كان المشتري غنيا لا يجب عليه باتفاق الروايات، حتی لو باعها واشتری بثمنها أخری والثانية دون الأولی جاز ولا يجب عليه شيء۔ (خلاصة الفتاوى، كتاب الأضحية، الفصل الرابع فيما يجوز من الأضحية، ج:4، ص:318)