نماز عشاکا وقت  شفق  کے غروب  ہونے کے  بعد  شروع ہوتا ہے ، البتہ صاحبین کے نزدیک شفق احمر  کے غائب ہونے کے بعد  شروع ہوتا ہے  ، جبکہ  امام ابو حنیفہ کے نزدیک   نماز عشا کا وقت اس وقت شروع ہوتا ہے جب شفق ابیض غائب ہوجائے ۔فقہائے کرام کے نزدیک امام صاحب کا قول احوط اوراجح ہے ،البتہ اگر  کسی نےصاحبین  کے قول کے مطابق  عشا کی نماز پڑھ لی تو یہ نماز بھی جائز ہوگی ۔

         نیزاکثر محققین  فقہاے کرام کے نزدیک شفق ابیض اس وقت  غائب ہوتا ہے، جب سورج افق  سے اٹھارہ درجے نیچے چلا جائے ، ان اٹھارہ درجوں کا مجموعی وقت  موسم اور علاقہ کی تبدیلی  سے مختلف ہوتا رہتا ہے اس لیے منٹوں میں  اس کی مقدار  متعین طور پر نہیں بتائی جاسکتی  ،ائمہ مساجد اور عوام کو چاہیئے کہ مستند ماہرین  صحیح اصولوں پر جو نقشے تیار کرتے ہیں  اس  نقشہ کے مطابق  اذان اور جماعت کا وقت متعین کریں تاکہ نماز اور اذان   کےوقت  میں بے احتیاطی نہ ہوجائے ،کیونکہ وقت سے پہلے پڑھی گئی نماز اور اذان شرعاً مقبول نہیں۔

          صورت مسئلہ میں سے پہلے سوال کا جواب یہ ہے کہ  اگر کسی مسجد میں عشاکی نماز   صاحبین کے قول کے مطابق    ادا کی  گئی ہو  تو   یہ نماز     ادا ہوگئی ہے   اس لیے  اعادہ ضروری نہیں ۔ البتہ  آئندہ کے لیے عشا کی نماز امام صاحب کے قول کے مطابق ادا کرنی چاہیے، کیونکہ یہ قول زیادہ احتیاط پر مبنی ہے ۔

            دوسرے سوال کا جواب یہ ہے کہ  دائمی نقشہ میں اگر کسی ضلع /جگہ میں  عشاء کا وقت امام صاحب  کے قول (شفق ابیض کے غروب) کے مطابق 9 بج کر 6 منٹ (9:06) لکھا گیا ہواور پھر اسی جگہ کی مسجد میں 9 بجے   نماز   پڑھی  گئی ہو تو ایسی صورت میں   یہ نماز  وقت کےاعتبار سے صاحبین کے قول  کے مطابق پڑھی گئی ہے،لہذا اس نماز کا اعادہ ضروری نہیں۔

ووقت المغرب منه إلى غيبوبة الشفق وهو الحمرة عندهما وبه يفتى. هكذا في شرح الوقاية وعند أبي حنيفة الشفق هو البياض الذي يلي الحمرة. هكذا في القدوري وقولهما أوسع للناس وقول أبي حنيفةرحمه الله أحوط؛ لأن الأصل في باب الصلاة أن لا يثبت فيها ركن ولا شرط إلا بما فيه يقين۔(الهندية، كتاب الصلاة، الفصل الثاني في فضيلة الأوقات، ج:1، ص:51)

 في الاختيار الشفق البياض وهو مذهب أبي بكر الصديق ومعاذ بن جبل وعائشة رضي الله تعالى عنهم ظهر أنه لا يفتى ويعمل إلا بقول الإمام الأعظم ولا يعدل عنه إلى قولهماأوقول أحدهما أو غيرهما إلا لضرورة من ضعف دليل أو تعامل بخلافه كالمزارعة وإن صرح المشايخ بأن الفتوى على قولهما كما في هذه المسألة وفي السراج الوهاج فقولهما أوسع للناس وقول أبي حنيفة أحوط.(بحر الرائق شرح كنزالدقائق، وقت الصلاة الظهر، ج:1، ص:258)

فينبغي الاعتماد في أوقات الصلاة وفي القبلة، على ما ذكره العلماء الثقات في كتب المواقيت، وعلى ما وضعوه لها من الآلات كالربع والأسطرلاب فإنها إن لم تفد اليقين تفد غلبة الظن للعالم بها، وغلبة الظن كافية في ذلك.( ردالمحتار،كتاب الصلاة، مطلب في سترالعورة، ج:1، ص:431)