واضح رہے کہ زنا بہت بڑا گناہ ہے،قرآن وحدیث میں  زنا کرنے والوں  کےبارے میں سخت وعیدیں نازل ہوئی  ہیں، البتہ نکاح کے شرائط میں سے ماضی کی گناہوں سے توبہ کی کوئی شرط نہیں ہےلہٰذا اگر  مرد اور عورت دوگواہوں کی موجودگی میں  ایجاب اور قبول کرکے باقاعدہ نکاح کر لیں  تو اس سےنکاح  منعقد ہوتا ہے۔

صورت مسئولہ میں اگر  مرد اور عورت  یا ان کے وکیلوں نے ان کی طرف سے  دو گواہوں کی موجودگی میں ایجاب  و قبول کرکے باقاعدہ  نکاح  کیا  ہو تو دونوں کا نکا ح  منعقد ہوچکا ہے، توبہ  کے بعددوبارہ نکاح کی  ضرورت نہیں ہے۔

(وينعقد) متلبسا (بإيجاب) من أحدهما (وقبول) من الآخر۔۔۔(وشرط سماع كل من العاقدين لفظ الآخر) ليتحقق رضاهما(و) شرط (حضور) شاهدين (حرين) أو حر وحرتين (مكلفين سامعين قولهما معا)(الدر المختار،كتاب النكاح،ج:4،ص:67)