شریعت مطہرہ کی رو سے ہر انسان کے مال ، جان اور عزت کو تحفظ حاصل ہے۔ اس کو مد نظر رکھتے ہوئے کسی بھی آدمی کے مال اور مملوکہ چیز کو اس کے صریح اجازت یا دلالۃً اجازت کے بغیر استعمال کرنا قطعا جائز نہیں۔

            صورت مسئولہ کو ملحوظ نظر رکھتے ہوئے اکثر لوگ اپنی انٹرنیٹ سروس پر پاس ورڈ لگا کردوسرے لوگوں کی اس تک رسائی سے تحفظ حاصل کر لیتے ہیں ،  تاہم بعض لوگ کسی وجہ سے پاس ورڈ نہیں لگا پاتے ، ایسی صورت میں ان کے انٹر نیٹ کا استعمال ان کی اجازت کے بغیر ہر گز جائز نہیں ، ہاں اگر انہوں نے پاس ورڈ اس غرض سے نہیں لگایا کہ ہر کوئی اسے استعمال کرے تو اس صورت میں یہ ان کی طرف سے دلالۃً اجازت شمار ہو گی، تاہم چونکہ نیت کا یقینی علم کسی کو نہیں ہو سکتا، اس لئے کسی دوسرے شخص کا انٹر نیٹ سروس اس کی صریحی یا دلالۃًاجازت کے بغیر استعمال نہ کیا جائے۔

وعن أبي حرة الرقاشي عن عمه قال: قال رسول الله صلى الله عليه وسلم: «‌ألا ‌تظلموا ‌ألا ‌لا ‌يحل ‌مال امرئ إلا بطيب نفس منه» . (مشكاة المصابيح، کتاب البیوع، ‌‌باب الغصب والعارية، ج:2، ص:889)

لا ‌يجوز ‌لأحد ‌أن ‌يتصرف ‌في ‌ملك ‌الغير بلا إذنه،او وكالة منه ، او ولاية عليه، وان فعل كان ضامناّ۔(شرح المجلة، ماده:95، ص:61)