شریعت مطہرہ کی رو سےوہ دین  جو سامان تجارت کے عوض  کسی دوسرے شخص پر ہو،دین قوی کہلاتاہے،اس کا حکم یہ ہے کہ  سال گزرنے کے بعد اس میں زکوۃ واجب ہوتی ہے،البتہ زکوۃ کی ادائیگی قرض وصول ہونے کے بعد لازم ہوتی ہے۔

            صورت مسؤلہ  کے مطابق اگر مذکورہ شخص نےدوسرےپر زمین فروخت کی ہوجس کے بدلے مدیون پرپچاس لاکھ روپیہ لازم ہوتے ہوں،نیز مدیون اقرار بھی کرر رہا ہو تو ایسی صورت میں اگر  دائن  صاحب نصاب  ہو توسال گزرنے کے بعد اس پر زکوۃ واجب ہوگی  البتہ زکوۃ  کی ادائیگی  دین وصول کرنے تک تاخیر کی جاسکتی ہے۔

 (و) اعلم أن الديون عند الإمام ثلاثة: قوي، ومتوسط، وضعيف؛ (فتجب) زكاتها إذا تم نصابا وحال الحول، لكن لا فورا بل (عند قبض أربعين درهما من الدين) القوي كقرض (وبدل مال تجارة) فكلما قبض أربعين درهما يلزمه درهم۔(تنوير الابصارمع الدرالمختار، كتاب الزكوة،باب زكوةالمال، ج:2 ص:205)