شریعت مطہرہ کی رو سے خدمات  کے عوض اجرت حاصل کرنا اجارہ کہلاتا ہے عقد اجارہ کی صحت کے لئے جو شرائط ہیں ان کی رعایت رکھنے کی صورت میں یہ عقد جائز ہے۔

            صورت مسئولہ میں دکاندار جب گاہک کے ایزی پیسہ اکاؤنٹ سے  اپنے ذاتی اکاؤنٹ کے ذریعے سے پیسے نکال کے دیتے ہیں اورگاہک سے اضافی 20 روپے کاٹتے ہیں  تو یہ سود نہیں ہے، بلکہ یہ دکاندار اپنی خدمت مہیا کرنےاور دکان میں موجود سہولتوں کے عوض وصول کرتا ہے، اس لیے دکاندار کے لیے یہ پیسے وصول کرنا جائز ہے۔ تاہم کسٹمر کے ساتھ اجرت پہلے سے متعین کرنا ضروری ہے  تاکہ بعد میں  تنازع کاسبب نہ بنے۔

وإن وردت الإجارة على العمل كالخياطة والصبغ، فلا يجب الأجر مالم يفرغ الأجير من العمل۔ (شرح المجلة لسليم رستم باز، كتاب الإجارة، باب ضمان الأجير، ج:9، ص:94)