واضح رہے کہ اگر وکالت میں اجرت کی شرط رکھ دی جائے تو کام پورا کرنے کے بعد وکیل اجرت کا مستحق ہوگا  لیکن اگر  اجرت کی شرط نہ ہو اور نہ وکیل  لوگوں میں اجرت پر کام کرنے میں مشہور ہو  تو اس صورت میں وکیل اجرت کا مستحق  نہیں ہوگا   اور  اگر وکالت میں  وکیل کےلیے اجرت متعین نہ ہو لیکن وہ اجرت پر کام کرنے میں مشہور ہو   تو  اس صورت میں وہ وکیل اجرت کا مستحق ہوگا۔

            لہذا صورت  مسئولہ کے مطابق اگر قربانی میں شریک ایک فرد  کو اجرت پر جانور خریدنے کےلیے  وکیل بنا دیا ہو اور اس کے اجرت بھی متعین  کی ہو تو جانور خریدنے کے بعد وہ شریک مقررہ اجرت کا مستحق ہوگا  لیکن اگر پہلے سے اجرت متعین نہ ہو اور نہ ہی وہ وکیل اجرت پر کام کرنے میں مشہور ہو     تو پھر شریک کےلیے اجرت کا مطالبہ کرنا  جائز نہیں۔

(إذا شرطت الأجرة في الوكالة وأوفاها الوكيل استحق الأجرة، وإن لم تشترط ولم يكن الوكيل ممن يخدم بالأجرة كان متبرعا. فليس له أن يطالب بالأجرة... أما إذا كان ممن يخدم بالأجرة يأخذ أجر المثل ولو لم تشترط له أجرة.(درر الحكام في شرح مجلة الاحكام،المادة:1467،إذا شرطت الأجرة في الوكالة،ج:3،ص:573)