شریعت مطہرہ نے مسلمان کے لیے چار تک شادیاں کرنے کی اجازت دی ہے لیکن عملی طور پرمخصوص چار عدد کی شادیاں انبیا ؑنے کی ہیں یا نہیں ؟اس حوالے سے نصوص میں کوئی روایت نہ مل سکی،البتہ امت کے حق میں  چار عدد کی شادیوں  کا جواز قرآن کریم کی طرح احادیث مبارکہ سے بھی ثابت ہے اس لیے اس پر سنت کا اطلاق ہو سکتا ہے۔تاہم  کسی کے لیے جائز نہیں کہ انبیا ؑکے حق میں توہین آمیزکلمات  کہہ دے کیونکہ شرعا یہ موجب  کفر ہے ۔

          لہٰذا صورت مسئولہ کے مطابق اگر مذکورہ  شخص نے انبیا ؑکی  شان میں پشتو زبان کے یہ الفاظ کہ" اللہ دے دا داسے پیغمبرانوں کورونہ روان کڑی"  کہے ہو توعرف عام میں  یہ توہین  کے کلمات ہیں اس لیے ایسا شخص  اپنی ایمان کی تجدید کرے اور اگر شادی شدہ ہو تو ساتھ تجدید نکاح بھی کرے صرف توبہ اور استغفار پر اکتفا نہ کرے۔

السب نوعان:دعاء و خبر،أمالدعاء فمثل أن يقول القائل لغيره:لعنه الله أو قبحه الله۔۔۔فهذا و امثاله سب للأنبياء ولغيرهم،وكذالك لو قال عن نبي:لا صلي الله عليه وسلم أو لارفع الله ذكره۔۔۔و نحو ذالك من الدعاء عليه بما فيه ضرر عليه في الدنيا أو في الدين أو في الاٰخرة(الصارم المسلول علیٰ شاتم الرسول صلی اللہ علیہ وسلم،للإمام ابن تیمیہ الحرانی ،أنواع السب و امثلۃ کل نوع و حکمہ،ص:538)

سئل عمن ينسب إلى الأنبياء الفواحش كعزمهم على الزنا ونحوه الذي يقوله الحشوية في يوسف - عليه السلام - قال: يكفر؛ لأنه شتم لهم واستخفاف بهم(الفتاویٰ الهنديه،باب احكام المرتدين،ج:2،ص:276)