اگر کسی کے پاس سونا یا چاندی یا نقدی ہو،لیکن نصاب کے بقدر نہ ہوں،تو ایسی صورت میں ان کو ملا کر دیکھاجائے گا کہ نصاب کو پہنچتے ہیں یا نہیں،اگر ان کو ملانے سے چاندی کا نصاب پورا ہوتا ہو تو زکوۃ واجب ہوگی ورنہ نہیں۔

           صورت مسؤلہ کے مطابق مذکورہ خاتون نے جب تک یہ سونا فروخت نہ کیا ہو تو شرعی طورپرعورت کی ملکیت میں 5تولہ8ماشہ سونا متصور ہوتا ہے ۔جو کہ سونے کا مکمل نصاب  نہیں ہے،البتہ یہ سونا چاندی کے نصاب کے تناسب سے ساڑھے انتالیس تولہ چاندی کے برابر ہے جب کہ چاندی کا نصاب ساڑھے باون تولہ ہے لہذا اگر مذکورہ خاتون کے پاس مزید تیرہ(13)تولہ چاندی یا اس کی قیمت ہو تو سال گزرنے کے بعد اس پر زکوۃ کی ادائیگی لازم ہوگی۔

 ويضم الذهب إلى الفضة،والفضة إلى الذهب،ويكمل إحدى النصابين بالآخر عند علمائنا،۔۔۔ثم قال أبوحنيفة:يضم باعتبار القيمة۔۔۔وقال أبويوسف،ومحمد:يضم باعتبار الأجزاء يعني بالوزن۔( الفتاوى التاتارخانية،كتاب الزكاة،ج:2،ص:174 )

ومنها كون المال نصابا،فلا تجب في أقل منه۔(الفتاوى الهندية،كتاب الزكوة،الباب الأول في تفسيرها وصفتها،ج:1،ص:172)