واضح رہے کہ شریعت مطہرہ میں والدین کے ساتھ حسن سلوک اوران کی حد درجہ اطاعت کا حکم دیا گیا ہے ۔والدین چونکہ اپنی اولاد کے لیے خیر خواہ ہوتے ہیں ،اس لیےاگر نکاح کرنے میں والدین کی رضامندی کا لحاظ رکھا جائے تو یہ مستقبل کےلیے خیروبرکت اور سعادت کا باعث ہوتا ہے۔نیز والدین کی طرح دیگر تجربہ کار رشتہ داروں کی رائےکی رعایت بھی بہتر ہے،البتہ لازمی نہیں ۔اس لیے اگرسائل والد صاحب کی اجازت کے بغیر کسی لڑکی سےباقاعدہ گواہوں کی موجودگی میں ایجاب وقبول کرکے نکاح کرے تو نکاح منعقد ہوگا۔

قال اللہ تعالی:وَوَصَّيۡنَا ٱلۡإِنسَٰنَ بِوَٰلِدَيۡهِ ‌حُسۡنٗاۖ۔(العنكبوت:8)

(‌وينعقد) ‌متلبسا (بإيجاب) من أحدهما (وقبول) من الآخر۔ (ردالمحتارعلی الدرالمختار،کتاب النکاح ،ج:3،ص:9)

ولا ينعقد نكاح المسلمين إلا بحضور ‌شاهدين حرين عاقلين بالغين مسلمين رجلين ۔(الهدايه،كتاب النكاح،ج:2،ص:3)