شریعت کی رو سے نظر کا لگ جانا ایک حقیقی امر ہے۔ لہذا  مکان ،کھیت اور باغ وغیرہ کو نظر بد سے بچانے کے لیے کوئی ایسی تدبیر  اختیا ر کرنا جس سے دیکھنے والے کی توجہ میں خلل واقع ہو جائے اور وہ چیز نظر بد سے بچ جائے ، جائز ہے بشرط یہ کہ ان تدابیر کے موثر حقیقی ہونے کا عقیدہ نہ ہو ۔

            صورت مسئولہ کے مطا بق نظر بد سے بچنے کے لیے گھروں کے  چھتوں پر  کالا جھنڈا ،جانور کا سینگ یا  کوئی اور چیز لٹکانا  تا کہ دیکھنے والے کی نظر ہٹ جا ئے اس میں کوئی مضائقہ نہیں ، البتہ اس کو دفع مضرت میں موثر حقیقی جاننا جائز نہیں۔

لا بأس بوضع الجماجم في الزروع والمبطخة لدفع ضرر العين عرف ذلك بالآثار۔(الفتاوي الهندية كتاب الكراهية،الباب الثامن عشر في التداوي والمعالجات،ج5،ص:411)