واضح رہے کہ میراث کے احکام میت کے ترکہ میں جاری ہوتے ہیں اور ترکہ اس مال کو کہا جاتا ہےجو وفات کے وقت میت کی ملکیت میں داخل ہو  اس کےعلاوہ جو مال وفات کے وقت میت کی ملکیت میں داخل نہ ہو اور اس کی وفات کے بعد کسی فنڈ وغیرہ کی صورت میں اس کے ورثاء کو ملےتو وہ ترکہ میں شمار نہ ہوگا۔

         لہذا صورت مسؤلہ کے مطابق مرحوم کے والد کوجو مراعات اورعطیات پلاٹ وغیرہ حکومت کی طرف سے مل جائیں،تو اس میں میراث کی  طرح تقسیم نہیں ہوگی بلکہ حکومت کی طرف سے جس کو مل جائے صرف اس کی ملکیت شمار ہوگی اور ورثاء اس میں شریک نہیں ہوں گے۔

العطايا لايورث عنه۔(شرح الحموي على الأشباه والنظائر،ج2،ص:495)

التركة في الاصطلاح ما تركه الميت من الأموال صافيا عن تعلق حق الغير بعين من الأموال۔(رد المحتار على الدر المختار،كتاب الفرائض،ج:10،ص:493)