واضح رہے کہ مرض الموت  میں کسی کو کوئی چیز ہبہ کرنا وصیت کے حکم میں ہوتاہے،اور شریعت مطہرہ  نے ہروارث کے لئےاس کا شرعی حصہ متعین کردیا ہے لہذا وارث کے لئے وصیت  دیگرورثاءکی اجازت پر موقوف ہوتی ہےان کی اجازت کے بغیر نافذ نہیں ہوتی،

            لہذا صورت مسؤلہ کے مطابق اگرکسی نے بستر مرگ پر اپنی  جائیداد تیسری بیوی کو ہبہ کردی ہو تو یہ  ہبہ دیگر ورثاءکی رضامندی کے بغیر شرعا معتبر نہیں ہےچنانچہ اگر دیگر ورثاءکی رضامندی نہ ہوتویہ جائیدادمرحوم کےتمام ورثاءمیں ان کےشرعی حصوں کے مطابق تقسیم ہوگی۔

(ولا تجوز لوارثه)لقوله عليه السلام :"إن الله أعطى كل ذي حق حقه،ألا لا وصية لوارث "؛ولأنه يتأذى البعض بإيثار البعض،ففي تجويزه قطيعة الرحم ؛ولأنه حيف۔(الهداية،كتاب الوصايا:ج4،ص140،139)

والهبة والصدقه من المريض لوارثه في هذا نظير الوصية؛لأنه وصية حكما حتى يعتبر من الثلث۔( تبیین الحقائق،    كتاب الوصايا،ج6،ص:182)