واضح رہے کہ انسان کو اپنی زندگی میں مرضِ وفات سے پہلے اپنے کل مال میں تصرف کا حق حاصل ہے، نیز موت کے بعد ایک تہائی مال کی وصیت کا حق بھی حاصل ہے، لہٰذا جو رشتہ دار شرعی طور پر وارث نہ بن رہے ہوں لیکن وہ مستحق و ضرورت مند ہوں تو  اپنی زندگی میں انہیں ہبہ کیا جا سکتا  ہے اور مرنے کے بعد ایک تہائی ترکے کے اندر  ان کے لیے وصیت بھی کی جا سکتی  ہے۔   

            صورت مسؤلہ کے مطابق اگر کوئی خاتون اپنا    حصہ اس بیٹے کی  اولاد  اور بیوہ کو دینا چاہتی ہو جو اپنے والد کی زندگی میں وفات پاچکا ہوتو بیوہ  اپنی زندگی میں انہیں ہبہ کرسکتی ہے البتہ  مکمل قبضہ اور تصرف بھی دے دے کیونکہ قبضہ  کے بغیرہبہ کرنا شرعاًکافی نہیں ہوتا اوراگر اس بیوہ کی بقیہ اولاد بھی محتاج ہوتو ان کو بھی اس میں سے حصہ دینا چاہیےکیوں کہ    شرعاًاولاد کومیراث سے   بلاکسی معقول  وجہ کے  محروم کرنا درست نہیں ۔

ليس له حق الرجوع بعد التسليم في ذي الرحم المحرم وفيما سوى ذلك له حق الرجوع إلا أن بعد التسليم لا ينفرد الواهب بالرجوع بل يحتاج فيه إلى القضاء أو الرضا۔(الفتاوى الهندية،الباب الخامس في الرجوع في الهبة،ج:4،ص:385)

لا يثبت الملك للموهوب له إلا بالقبض هو المختار، هكذا في الفصول العمادية. (الفتاوى الهندية،الباب الثاني فيما يجوز من الهبة وما لا يجوز،ج:4،ص:378)