شرعی نقطہ نظر سے عقد نکاح کے دوران اگر شوہر کا والد مہر کی ادائیگی کا ضامن بن جائے تو شرعا یہ جائز ہے ۔ایسی صورت میں والد مہر کی ادائیگی کا ذمہ دار رہے گا، لہذا بیوی کو جس طرح شوہر سے مطالبہ کاحق ہے،اسی طرح ضامن سے بھی مطالبہ کر سکتی ہے۔

          صورت مسؤلہ میں اگر واقعی سسر نے مہر میں گھر کے اندر بیٹے کا حصہ لکھ دیا ہواور وہ اس کا اقرار بھی کررہاہو تو عورت کو یہ حق حاصل ہےکہ وہ اپنے سسر سےمہر کا مطالبہ کرے، چنانچہ اگر اس شخص کےدوبیٹےایک بیٹی اور ایک بیوی ہو تو مرحوم فرض کرنے کی صورت میں اس کے ایک بیٹے کا حصہ14/40بنتا ہے،لہذا یہی حصہ اس بہو کا حق مہر شمار ہوگا۔

وصح ضمان الولي مهرها ولو)المرأة(صغيرة)ولو عاقدا لأنه سفير(وتطالب أيا شاءت)من زوجها البالغ أو الولي الضامن(فإن أدى رجع على الزوج إن أمر)۔(تنويرالابصار مع شرحه الدرالمختار،كتاب النكاح،باب المهرج4ص286)

قوله:(وصح ضمان الولي مهرها)أى سواءكان ولي الزوج أوالزوجة،صغيرين كاناأوكبيرين۔(ردالمحتار على الدر المختار ،كتاب النكاح،باب المهر،مطلب في ضمان الولي المهر:ج4 ص286)