واضح رہے کہ جو آدمی نمازکے مسائل اچھی طرح جانتا ہواورجس قدر قراءت کرنا مسنون ہے،اتنی مقدار اسے یادہو،نیز کبیرہ گناہوں سے بھی اجتناب کرتاہوتووہ امامت کرواسکتا ہے،البتہ افضل یہ ہے کہ وہ عالم اور قاری بھی ہو۔

             لہٰذا صورت مسئولہ میں اگرغیرعالم امام نماز کے فرائض وواجبات کی رعایت رکھتے ہوئےنماز پڑھاتاہوتو اس کے پیچھے نماز پڑھنا درست ہے، تاہم اگر مستند عالم دین میسر ہو تواسےامام بنانازیادہ بہتر ہے۔

(والأحق بالإمامۃ )تقدیما بل نصبامجمع الانھٰر۔(الأعلم باحکام الصلوٰۃفقط) صحۃ وفساداوحفظہ قدر فرض (ثم الأحسن تلاوۃ)وتجویدا للقراءۃ (ثم الاورع)۔(رد المحتار علی الدر المختار،کتاب الصلوٰۃ،باب الإمامۃ،ج:2،ص:294)

قال المرغینانی:تجوز الصلوٰۃ خلف ھوی وبدعۃ،۔۔۔وحاصلہ:ان کان ھوی لا یکفربہ صاحبہ،تجوز الصلوٰۃ خلفہ مع الکراھۃ،والا فلا۔۔۔ولو صلی خلف َمبتدع أو فاسق فھو محرز ثواب الجماعۃ،لکن لا ینال مثل ما ینال خلف تقی۔(الفتاوی الھندیۃ،کتاب الصلوٰۃ،الباب الخامس،الفصل الثالث،ج:1،ص:141)۔