شریعت مطہرہ کی رو سے  ہر شخص کو  اپنی مملوکہ جائیدادمیں ہر قسم کے جائز تصرفات کا حق حاصل ہے ۔ اگر کوئی شخص حالت صحت میں بقائےہوش کے ساتھ ایسا کرے کہ اپنی مملوکہ جائیداد اپنی اولاد میں تقسیم کرے اور تملیک کراکر قبضہ دیدے تو اس کو ہبہ کہا جاتا ہے ۔یہ میراث کی تقسیم نہیں ۔

             صورت مسؤلہ میں  جب والد نے اپنی حیات میں 60لاکھ روپے پہلی بیوی  اور اس کے بچوں  کو  بطور ہبہ دیےاور انہوں نے اس پر باقاعدہ قبضہ کر لیا تو اس میں ان کی ملکیت ثابت ہوگئ اور چونکہ   یہ میراث  نہیں  ،اس لیے مرحوم کے میراث میں دونوں بیویوں اور دونوں کی اولادکا حصہ ہو گا،کیونکہ ہبہ کرنےسےمیراث کےحصہ سے محروم نہیں کیا جاسکتا۔

وعن أنس قال : قال رسول الله صلى الله عليه و سلم : " من قطع ميراث وارثه قطع الله ميراثه من الجنة يوم القيامة ". رواه ابن ماجه (مشكاة المصابيح،كتاب الوصايا،الفصل الاول،ج2،ص197)

رجل وهب في صحته كل المال للولد جاز في القضاء ويكون آثما فيما صنع، كذا في فتاوى قاضي خان.(الفتاوی الهنديه،الباب السادس فی الهبة الصغیر،ج:4،ص:391 )