جو شخص غریب اور ضرورت مند ہو یعنی اس کی ملکیت میں  نصاب کے بقدر مال نہ ہو نیز وہ سید اور ہاشمی  بھی نہ ہوتو ایسے شخص کو زکواۃ دینا جائز ہے۔

           صورت مسئولہ میں اگر سائل کے ذمہ بھائی کا واجب الادارقم(قرض وغیرہ) نہ ہو بلکہ وہ اپنی طرف سے احسان کرکے اس کو ہر مہینے تنخواہ میں سے کچھ دیتا ہو اور بھائی مستحق زکواۃ بھی ہو تو شرعا اس کو   حسب بیان تعاون کی مد میں زکواۃ دینا جائز ہے نیز اس کو بتانا ضروری نہیں ہے۔

وَيَجُوزُ دَفْعُ الزَّكَاةِ إلَى من سِوَى الْوَالِدَيْنِ وَالْمَوْلُودِينَ من الْأَقَارِبِ وَمِنْ الْإِخْوَةِ وَالْأَخَوَاتِ وَغَيْرِهِمْ لِانْقِطَاعِ مَنَافِعِ الْأَمْلَاكِ بَيْنَهُمْ۔(بدائع الصنائع،كتاب الزكوة،ج:2،ص:50)

وشرط صحة أدائها نية مقارنة له أي للأداء ولو كانت المقارنة حكما كما لو دفع بلا نية ثم نوى والمال قائم في يد الفقير أو نوى عند الدفع للوكيل ثم دفع الوكيل بلا نية۔(الدرالمختارعلی صدرردالمحتار،کتاب الزکوۃ،ج:2،ص:268)