واضح رہے کہ جنات وشیاطین کو دوسروں کو ضرر پہنچانے کیلئے تابع کرنا درست نہیں ہے  اور نہ یہ عملیات کرنا درست ہیں نیزاس میں خطرات بھی ہیں۔البتہ جنات وشیاطین کے شر سے تحفظ کیلئے جائز عملیات کرنا  درست ہے اور دفع ظلم کیلئے بھی جائز ہے۔

        لہذا صورت مسئولہ کے مطابق جو عملیات دوسروں کو ضرر پہنچانے کیلئے کيے جاتے ہیں وہ جائز نہیں ہے البتہ جو عملیات دفع ظلم اورجنات و شیاطین  کے شر سے تحفظ کیلئے کيے جاتے ہیں وہ درست اور جائز ہیں۔

"وأما ما کان من الآیات القرآنیة والأسماء والصفات الربانیة والدعوات الماثورۃالنبویة،فلا بأس،بل یستحب،سواء کان تعویذا أو رقیة أونشرۃ۔"(مرقاۃالمفاتیح،کتاب الطب والرقی،الفصل الثانی،رقم الحدیث:4553،ج:8،ص:321)

"الضرورات تبیح المحظورات،من ثم جاز أکل المیتةعند المخمصة واللفظ بکلمةالکفر عندالإکراہ"۔(الأشباہ والنظائر،القاعدۃالخامسة:الضرریزال،ج:1،ص:251)