ایزی پیسہ اور جاز کیش اکاؤنٹ ایک ایسی سہولت ہے جس میں جمع کردہ رقوم سے اکاؤنٹ ہولڈر کئی قسم کی سہولیات حاصل کر سکتا ہے مثلا:بلوں کی ادائیگی،رقوم کی منتقلی اور ایزی لوڈ وغیرہ۔ اس میں جمع کردہ رقم کی حیثیت شرعاً قرض کی ہوتی ہےاور کسی کو قرض دینا شرعاً جائز ہے،اس لیے ایزی پیسہ اور جاز کیش اکاؤنٹ کھولنا فی نفسہ جائز ہے تاہم اگر کمپنی والے اکاؤنٹ میں مخصوص رقم کے موجود ہونے کی شرط پر اکاؤنٹ ہولڈر کو کبھی کبھاراضافی رقم،فری منٹس،فری ایس ایم ایس(SMS)اور فری انٹرنیٹ وغیرہ کی سہولیات فراہم کرتی ہو تو ایسی صورت میں کمپنی کی طرف سے ملنے والی سہولیات قرض پر مشروط منافع ہونے کی بنا پر سود کے زمرے میں داخل ہیں،اس لیے اکاؤنٹ ہولڈر کے لیے مذکورہ منافع استعمال  کرنا جائز نہیں۔

(قول كل قرض جر نفعا حرام) أي إذا كان مشروطا كما علم مما نقله عن البحر، وعن الخلاصة وفي الذخيرة وإن لم يكن النفع مشروطا في القرض، فعلى قول الكرخي لا بأس به۔۔۔۔ثم رأيت في جواهر الفتاوى إذا كان مشروطا صار قرضا فيه منفعة وهو ربا وإلا فلا بأس به۔(ردالمحتار على صدر الدرالمختار، كتاب البيوع، باب المرابحة والتولية، مطلب:كل قرض جر نفعا حرام، ج:7، ص:395)