شرعی نقطہ نظر سے شوہر کا اپنی بیوی کو محرمات ابدیہ کے ساتھ تشبیہ دینا ظہار کہلاتا ہے،اور ظہار کے ثابت ہو نےکے لیے حرف تشبیہ کا ہونا ضروری ہے، اگر حرف تشبیہ نہ ہو تو محض نسبت کر نے سے ظہار  کا حکم ثابت  نہیں ہو تا ۔

            صورت مسئولہ میں مذکورہ الفاظ"نن نہ پس تہ زماخورئے ،زہ تہ دہ نہ ویم چہ ماسرہ نزدے کینہ"ظہار کے  نہیں ، کیونکہ ظہار میں حرف تشبیہ کا  استعمال ضروری ہے جو اس کلام  میں موجود نہیں ، تاہم ہمارے عرف میں بیوی کو بہن کہنے کے الفاظ طلاق کےلیے استعمال کیے جاتے ہیں اس لیے ان الفاظ کہنےسے ایک طلاق بائن واقع ہوتی ہے، چونکہ طلاق بائن کےساتھ دوسری بائن جمع نہیں ہوتی اگر چہ اس نے پانچ چھ مرتبہ یہ الفاظ کہے ہوں پھر بھی اس سے ایک طلاق بائن واقع ہوئی ہے، لہٰذا ازدواجی تعلق  بحال کرنے کےلیے شوہر پر صرف تجدید نکاح لازم ہے۔

 لو قال لها أنت أمي لا يكون مظاهرا وينبغي أن يكون مكروها ومثله أن يقول يا ابنتي ويا أختي ونحوه.(الفتاوی الهندية کتاب الطلاق، الباب التاسع فی الظهار، ج:1، ص:564)

قال العلماء : لا بد في الظهار من التشبيه وإذا قال : أنت أمي لا يكون ظهاراً بل لغواً ، أقول : لا بد من أن يكون طلاقاً بائناً عند النية وقد روي عن أبي يوسف كما في العمدة.(العرف الشذی علی هامش الترمذی،ابواب الطلاق و الرضاع، باب ماجاء فی کفارة الظهار، ج:1، ص:357)

(‌وإن ‌نوى ‌بأنت ‌علي ‌مثل ‌أمي) ، أو كأمي، وكذا لو حذف علي خانية (برا، أو ظهارا، أو طلاقا صحت نيته) ووقع ما نواه لأنه كناية (وإلا) ينو شيئا، أو حذف الكاف (لغا) وتعين الأدنى أي البر، يعني الكرامة. (الدرالمختار على صدر رد المحتار، كتاب الطلاق، باب الظهار،5/131)