واضح رہے کہ کسی ادارے کے انتظامیہ کی طرف سےجاری قواعد وضوابط کی پاسداری اس کے ملازمین پر لازم ہے تا کہ ادارے کا نظم ونسق برقرار رہے البتہ انتظامیہ کو ایسا معاہدہ ترتیب دینا چاہیے جس میں شرعی حدود و قیود کی رعایت رکھی گئی ہو۔

          صورت مسؤلہ کے مطابق اگر مدرسہ کے اساتذہ کرام کا خصوصی واٹس ایپ گروپ بنایا گیا ہواور کبھی توجہ نہ ہونے کی وجہ سے دوبارہ میسیج سینڈ ہو جائے تو ایسی صورت میں اگر بغرض اطلاع ذیل کے جملے گروپ میں بھیج دیے جائے ،مثلاً:غیر ضروری میسیج بھیجنے سے احتراز کریں،کوئی میسج دو بارہ سینڈ نہ کریں،اگر غلطی سے کوئی چیز پوسٹ ہو جائے تو معافی کا اظہار فورا ًکریں ،تو ان جملوں کے ذریعے مقصود گزشتہ معاہدے کی یا ددہانی ہے جس کی پابندی اخلاقی طور پر گروپ کے ممبران کے لیے ضروری ہے ۔

قال الله تعالى: وأوفوا بالعهد إن العهد كان مسئولاً.(الإسراء:34)

{وَأَوْفُواْ بِالْعَهْدِ} سواءٌ جرى بينكم وبين ربِّكم أو بينكم وبين غيرِكم من الناس والإيفاءُ بالعهد والوفاءُ به هو القيامُ بمقتضاه والمحافظةُ عليه۔( تفسير القرآن العظيم لابن کثیر،الإسراء:34،ج:5،ص:68)